KRALENDIJK – Bonaire International Airport Flamingo a yama na 2022 basta mas pasahero bonbiní. Na tur a yega mas ku 424.000 pasahero, djesun porshento mas ku na 2019. “Mayoria ta bini di Europa”, hòmber klave Maarten van der Scheer ta bisa den un kòmbersashon ku Luchtvaartnieuws Magazine.

E ret di aeropuertonan Antiano a rekuperá bon despues di e pandemia. KLM i TUI fly ta komuniká Boneiru ku Schiphol, United Airlines, Delta Air Lines i American Airlines ta perkurá pa e konekshonnan ku Estados Unido i e aeroliñanan lokal Divi Divi Air, EZ Air i Sky High ta bula bai Kòrsou i Sto Domingo. Pronto Jetair Carribean ta bini aserka, ku un buelo pa Aruba i Kòrsou.

Invertí 

Resientemente Bonaire International Airport a firma un akuerdo ku gobièrnu Hulandes i di Boneiru pa un invershon den modernisashon i ampliashon di e aeropuerto. Lo bini dentro di poko un dak pa pasaheronan ku ta yega, un zona di rekohé ekipahe nobo i ta kuminsá hasi preparashon pa remplasá e iluminashon di e pista i konstrukshon di un parke solar.