Kralendijk – Koninklijke Marechaussee (KMar) i Kuerpo Polisial Hulanda Karibense (KPCN) riba djabièrnè 18 di yüni a tene diferente kòntròl konhunto. Den atardi a tene un akshon di listramentu preventivo na aeropuerto, miéntras na entrada di Aeropuerto Internashonal Flamingo simultaniamente a tene un kòntròl di tráfiko. Mas lat den anochi a tene kòntròlnan di tráfiko riba Kaya Korona i Kaya C.E.B. Hellmund.

Marechaussee tin e intenshon pa organisá akshonnan regularmente kaminda lo listra preventivo, si ta posibel den koperashon ku diferente partnernan di kadena. A base di Lei di Arma BES, KMar i KPCN tin e outoridat na aeropuerto pa listra personanan, nan bistí i kontrolá nan ekipahe riba presensia di arma, sin ku tin sospecho. E kòntròl aki tin komo meta pa oumentá siguridat rondó i na aeropuerto. A selektá i someté pasaheronan i otro persona presente durante e akshon arbitrariamente na e listramentu.

Durante di e kòntròl di tráfiko ku a tuma lugá na entrada di aeropuerto, ámbos partido tabata kontrolá entre otro si personanan tabata den poseshon di un prueba di reibeweis- i plachi di number. Parti anochi bou di guia di KPCN a prepará dos otro kòntròl di tráfiko. Durante e akshon aki a haña un machete i a konfiská un kantidat chikitu di mariwana. Banda di esaki a duna un total di 37 persona ku a violá e lei di di tráfiko, prosèsferbal i a para un estranhero ilegal i a pasa e over pa e departamento di supervishon di estranhero di KPCN.

---

Lesa tambe:

• 
  Sindikalismo na Boneiru parti 47, 25 di novèmber 2024
• 
  Curoil ta hasi su mes kulpabel na komportamentu sin rèspèt, pero gobièrnu ta tolerá esei 
• 
  Gobièrnu di Boneiru ta urgi solushon pa suma di impuesto liber i salario mínimo
• 
  M21 ku krítika duru riba Curoil pa problema ku depósito pa bòter di gas 
• 
  Atrobe atrako armá na Boneiru: E biaha aki riba supermerkado