PARAMARIBO/FORTH WORTH- E gigante Merikano di Aviashon, American Airlines, ta bai stòp su buelonan pa i for di Sürnam despues di algu mas ku un aña. E kompania ta sita un okupashon abou di su avionan komo un motibu. 

E kompania ta sigurá ku ta trata di un ‘desishon difísil’, pero ku e kantidat di pasahero ku tabata hasi uso di e servisio no tabata hustifiká pa mantené e buelonan entre Paramaribo i Miami. Ku e perdida di e konekshon, Sürnam ta pèrdè un parti enorme di su konektividat ku region i spesialmente Merka. 

SLM

E situashon ta aún mas ferfelu awor ku ku e propio kompania di aviashon di Sürnam, SLM, tampoko no a keda ku ni un solo avion pa bula rutanan regional, bou di kua e tabata sirbe Miami tambe. Ta di warda wak si SLM lo por lanta para riba su propio pia pa sirbi biaheronan for di e pais Latinoamerikano ku ke biaha rumbo pa Merka.