WILLEMSTAD – Ámtenar- i dosentenan ku tin salario haltu ta haña ménos bónùs. Esei por dedusí for di un komunikado di prensa ku ministerio di Finansas a saka den relashon ku e gratifikashon bruto ku amtenar- i dosentenan lo hana e luna aki di gobiernu.

E gratifikashon ta un montante bruto di 1.750 florin ku ta paga un biaho so, pero gobièrnu ta retené delantá impuesto i primanan sosial. E montante neto ku ta sobra ta dependé di e entrada di e ámtenar of dosente.

Servisio di impuesto tin shete kategoria di entrada, i tin pa kada un kategoria un tarifa di impuesto mas haltu. Esun ku ta gana ménos ku 27.500 florin pa aña no mester paga impuesto pero si prima. E bónùs ta bira e ora ei 1.535 florin. Pero e ámtenar ku ta gana un salario ku ta tres biaha mas haltu ta sobra na final 1.000 florin di su bónùs bruto.

Impuesto di salario ta un suma ku ta kobra delantá riba impuesto di entrada, komparabel ku un vorskòt. Si gobièrnu retené na un manera korekto impuesto di salario i  primanan sosial di e gratifikashon, e ámtenar i e dosente lo no mester han’é ku kobransa retrospektivo òf pago bèk di impuesto di entrada.