PARAMARIBO – Den un karta na gerensia di Surinaamse Luchtvaartmaatschappij (SLM) Algemene Nederlandse Vereniging van Reisondernemingen (ANVR) a pidi pa, konforme reglanan,  paga e sènnan bèk di e buelonan ku nan no a realisá.

Banda di esei SLM mester duna garantia pa buelonan ku ta planiá a largo plazo.

Hustamente awor den tempu di fakansi ta perhudiká famianan ku ta bai bishitá nan famia, segun e matutino De Ware Tijd.

Na komienso di yüni e aerolínea a konfirmá ku ta trahando riba un plan pa kontinuashon di e aerolínea i ku dentro di algun siman lo tin mas klaridat. E operashon di buelonan no tabata kore peliger i rumornan ku lo a anulá buelonan den e  temporada haltu importante aki tabata inkorekto, segun SLM.

Inaseptabel

E asosiashon ta sigui bisa ku nan ta komprondé ku mester hasi eskohonan importante, pero pa laga pasaheronan ku a paga nan fakansi ku sèn ku nan a logra  spar si ta inaseptabel.