KRALENDIJK – Na un manera festivo a lansa e eksposishon ‘People Help Nature’ ofishalmente djabièrnè 12 di aprel den Parke Nashonal Washington Slagbaai. Representantenan di organisashonnan di naturalesa konhuntamente a selebrá e dedikashon di tur hende ku ta traha den e área di konservashon i protekshon di naturalesa na Boneiru.

Ku e eksposishon akí, STINAPA i Wereld Natuur Fonds kier duna rekonosementu na e hopi organisashonnan di naturalesa, nan trahadónan i boluntarionan pa nan kontribushon na un naturalesa limpi i salú. Ambos organisashonnan ta yama e komunidat lokal i turista pa bishitá e eksposishon i mira e trabounan diverso ku ta kontribuí na konservashon di biodiversidat di e isla.

Apesar di portrètnan tin tambe videonan kòrtiku ku ta splika e trabou mas detayá i pakiko esaki ta asina importante pa Boneiru. Por wak e videonan online via un ‘QR-code’. Un parti banda di e portrètnan ta duna mas informashon tokante kada organisashon. Por bishitá e eksposishon ‘Hende ta Yuda Naturalesa’’ grátis te fin di yüni den Parke Nashonal Washington Slagbaai. Despues e eksposishon lo mudá pa otro lokashon.