WILLEMSTAD – Aqualectra ta bai kambia 793 palu di lus den Punda i Otrabanda i ekipá nan ku lusnan inteligente LED. E palunan di lus aktual tin trinta aña pará kaba.

Mañan ta kuminsá ku e trabounan ku lo dura un luna. Pa medio di bòrchinan lo mustra usuarionan di kaminda kua kaya ta trahando riba dje. Spesialmente peatonnan mester paga tinu, pasobra lo no por usa e asera kaminda nan ta trahando.

Lo kontrolá e lusnan inteligente for di un sentral i asina por adaptá e intensidat i asta e koló di e lus di kaya. Na promé instante esei lo sosodé na momentu ku a kaba instalá tambe e unidatnan di kòntròl sentral.

Te ku e wikènt benidero lo traha riba e lusnan den Breedestraat,  Blocksteeg,  Windstraat,  Waterfortstraat,  De Ruyterkade i e área rondó di Plaza Nobo aan de beurt.

Otro siman Herenstraat,  Trompstraat,  Waterfortstraat,  Plaza Piar, De Ruyterkade,  Dempelstraat, rònt Waaigaat i Fuikstraat ta na turno.

For di 24 di sèptèmber te ku 1 di òktober ta finalisá e último palunan di lus na De Ruyterkade, rònt Waaigat, CIBC FirstCaribbean Bank i Plaza Mundu Merced i  despues Passaatstraat, Wolkstraat, Madurostraat, Prinsenstraat, Colombusstraat,  Gouvernementsplein, Wilhelminaplein i Sha Capriles kade lo ta na turno.