KRALENDIJK- E Asosashon di Kanabes Boneiru, o sea Cannabis Vereniging Bonaire (CVB) djasabra anochi a anunsiá nan plan i nan meta pa e temporada ku ta bin. Meta final di CVB ta legalisashon di kamabes na Boneiru.

Tambe por a sera konosí k u Naomi de Gruijl, ku a bira direktor di e asosiashon. “Tin un bista negativo riba Cannabis na Boneiru, pero mester kambia esei. Gobièrnu ta esun ku nos tin ku atendé kuné, pa yuda e asuntu aki” asina De Gruijl a trese dilanti. 

De Gruijl a indiká tambe ku ta e intenshon pa interesá mas hende den e organisashon pa yuda logra e metanan di CVB. “Ta bai tin diferente posishon den e organisashon ku ta rekerí hende pa yuda.  Ami ta kapitan di e boto pa nos logra nos meta, pero nos tin mester di mas hende” asina De Gruijl a splika. 

Apart di hende ku lo ke yuda den e asosiashon, ta buskando sponsor tambe pa kubri e gastunan di e asisashon. 

Cheiba

Na Boneiru tin hopi hende ainda ku Cannabis ta meskos ku cheiba, pero e ta hopi mas amplio ku simplemente esei. CVB a primintí di bai duna mas informashon tokante esaki i kiko tur e usonan di Cannabis por ta. 

CVB ta bai tin nambe nan ofisina, patras di hospital, na Parke Libertat. E direktiva di CB aktualmente ta wòrdu formá pa Ralph Nolen komo presidente, Desiree Croes komo tesorero i Tracy Jenkins komo miembro.