Mientras un parti grandi di e kolegio ta kampa simannan kaba na Den Haag i besindario, e alumnonan di Komunidatnan di Skolnan na Boneiru a demostrá ku bo por ataká problemanan gewon tambe. E siman aki e alumnonan di Teknologia i Aplikashon (TeTo) a presentá bakinan di sushi ku ta resistente-kontra-buriku.

E bakinan ei tabata pará en frente di un kadena di kuminda rápido i burikunan gusta sobrá di galiña. A kita e plaser ei awor for di nan. Esei ta nan mes falta: e bestianan no tabata piki nunka e porkeria ku nan tabata laga atras.

Komunidat di skolnan ta ofresé tur sorto di materia i fishi ku ta ofresé perspektiva pa yuda e koalishon aktual bai dilanti. Echo ta ku e informashon di e aventuranan na Den Haag i De Veluwe di kolegio ehekutivo i konseho insular den e último simannan  tras di lomba ta mustra ku tur e gobernantenan ei lo por usa algu di sosten si.

E alumnonan ku ta sigui e materia siensia sosial kasi sigur tin un solushon práktiko pa e problemanan di komunikashon ku e gobièrnu ta enfrentando. E problemanan ei no ta serio, pero nan ta fèrfelu si.

E desbentaha di tira tur idea, ku ta drenta bo mente, entusiasmá den laira ta pone ku hendenan ta turdi.

Grita ku bo mes ke kobra impuesto sin profundisá bo mes den e historia di esaki, no ta práktiko.

Oumentá salario- i kompensashonnan di frakshon na un nivel mas ku madurá sin konsultá ku e tesoreronan na Den Haag ta kaba den un ekspedishon di kastigu den bodega di e lugá di konferensia.

Invitá un hende pa un funshon sin konsultá ku bo koleganan ta mas ku solamente ku e no ta práktiko.

E koleganan ei mester laga e alumnonan di SGB inventá un sistema di komunikashon ku ta resistente-kontra-buriku.

Den e aña básiko e alumnonan a siña den e materia di siensia sosial ku un komunidat tin benefisio di un gobièrnu ku bo por splika kiko e ta premirá.

E koalishon aktual ta mustra konstantemente riba un lista ku 50 punto ora un hende ta pidi kaminda.

E lista ei ta ponebo kòrda un lista di deseo. Nos ke esaki, nos ke esaya.

Awor no tin nada kontra soña. Un mucha por pone kuantu regalu ku e ke riba un lista di deseo. Ta tarea di e persona ku beis pa splika ku no ta tur kos ta alkansabel.

Bo por splika na diferente manera. 

E alumnonan di SGB indudablemente lo mustra e gobernantenan ku ta konsehabel pa banda di tur e deseonan ei bini ku un programa.

Pasobra un gran parti di humanidat ke klaridat, e programa ei mester kuminsá ku un predikashi. Den e predikashi ei bo ta splika kon bo ta mira futuro di e isla. E predikashi ta kompletamente opsoleto, pero ta nesesario pa splika kon abo ta haña ku e isla ta pará, kiko e promé stapnan lo ta pa por realisá algun di e puntonan di e lista di deseo. Bisa kiko e ta kosta i unda bo ta pensa di saka e sèn ei.

Meskos ku e burikunan no por yega mas na e sobrá di galiña, periódikamente mester tene sierto gobernantenan leu for di e mikrófono.

Bo no tin nodi di fia indikadó di tenshon sosial di CBS pa mira ku tur e balanan lòs ei ta trese inkietut.