ORANJESTAD- Un avion di e kompania Divi Divi Air a hasi un aterisahe preventivo na Aruba djamars atardi.

E avion, ku number di buelo 3R279, tabata algun minüt den laira despues di despegue, ora e pilotonan a nota presensia di huma den e kabina di mando (cockpit). Esaki a pone ku nan a disidí pa regresá mesora pa Aruba. 

E avion DHC-6 ‘Twinotter’ despues di esaki a logra aterisá di nobo na aeropuerto, sin novedat. A pesar di ku brantwer tabata presente na e avion despues di e aterisahe, segun direktora Germaine Durand, esei ta un prosedura normal den tipo di kaso asina.

E avion lo wòrdu kontrolá promé ku e sigui operá e buelonan entre islanan ABC.