Kralendijk – Riba djasabra 28 di ougùstùs di 09:00 – 14:00 tin un Bakuna session spesial pa hóbennan di 12 te 18 aña na Kompleho Deportivo Jorge Nicolaas. Durante e seshon DJ Kjart ta toka pa e hóbennan. Dòkter Michael Mercuur tambe ta presente pa kontestá pregunta di mayornan tokante bakunashon di hóben.

Tinernan di 12 te 18 aña mester di pèrmit di nan mayor òf tutor pa pasa angua kontra corona. P’esei e mayornan òf e tutor mester ta aserka ora nan yu ta pasa angua. Na kuminsamentu di e aña eskolar nobo, empleadonan di departamento di Salubridat Públiko a parti foyeto pa alumnonan di Liseo i SGB pa informá nan tokante e seshon di pasa angua. Pa medio di un karta a informá mayornan di e alumnonan tokante e seshon spesial di pasa angua.

Hóbennan di Rincon ku ke bai e seshon di pasa angua, por hasi uso di un bùs spesial. E bùs ta sali 09:00 or i 11:00 or for di e bòrchi grandi i kolorido ku nòmber di Rincon ariba pegá ku misa i despues e ta trese e hóbennan bèk. E Bakuna session ta forma parti di un kampaña spesial pa hóben. Anteriormente a lansa e video clip BanSkolBèk#BonBakuná. Otro siman ta lansa un di dos video clip di e kampaña pa hóben.

Riba djasabra 28 di ougùstùs adultonan tambe por akudí ku i sin sita na e sentro deportivo pa pasa angua kontra corona. Pa mas informashon tokante bakunashon: 0800 0900 òf www.bonairecrisis.com  

---

Lesa tambe:

• 
  No tin sufisiente klaridat ainda di ‘promé stapnan’ na lèntfel Boneiru despues di intervenshon di Hulanda
• 
  Tourism Corporation Boneiru satisfecho ku partisipashon na DEMA Diveshow
• 
  Subway Boneiru a habri bèk despues di renobashon
• 
  Prosedura pa mèldu negoshi di hóreka i negoshi di konstrukshon a kuminsá ofisialmente
• 
  Partnernan di CAO pa Islanan BES a topa pa deliberá riba desaroyo