KRALENDIJK – Banko di kuminda di Boneiru a risibí un cheque for di Cadushy siman pasá. E donashon aki ta di kuater den un seri di total 10 donashon ku Cadushy ta hasi na instansianan ku ta traha pa e benefisio komun.

Meskos ku e otro donashon, e donashon aki ta di 1500 dólar, ku lo permití banko di kuminda pa kumpra e produkto nesesario pa esnan ku ta na nesesidat.

Bòter spesial

Den kuadro di e selebrashon di su di 15-aniversario, Cadushy a trese un bòter di aniversario spesial den un edishon limitá, disponibel pa kumpra na destileria na Rincon. 

Tur ganashi di e benta di e bòter spesial aki lo ta usá pa yuda e organisashonnan benefisio.