WILLEMSTAD – Banko Sentral a bolbe intervení na ACU. Ku un intervenshon kòrtiku Algemene Spaar- en Kredietcooperatie ta haña porfin statuto- i reglamentunan nobo komo realisashon di un modelo atministrativo nobo, asina Banko Sentral ta informá komo supervisor.

Reunion general di miembronan no tabatin fin di definí e statuto- i reglamentunan komo base pa e modelo di atministashon nobo. Kada biaha di nobo tabatin diskushon sin adelanto, segun Banko Sentral ta informá.

ACU tin basta aña kaba ta trata pa adaptá e modelo di atministrashon. ACU mes pa años – den kuadro di e kresementu enorme di ACU – ta rekonosé ku e direktiva tabata funshoná insufisiente. 

Den e statuto- i reglamentunan nobo a deskribí amplio e tarea- i kompetensianan di e direktiva i konseho di supervishon, lokual anteriormente no tabata e kaso. E falta di klaridat  ei tabata forma un fuente di desunion dentro di ACU, lokual tabata motibu pa Banko Sentral pone e institushon bou di kuratela den aña 2020.

Por organisá awor nombramentu di miembronan di e órganonan aki mihó. Ademas ta profeshonalisá e kòntròl interno riba funshonamentu. Tur esaki ta importante pa un institushon di kredito koperativo pa asina protehá sènnan di su miembronan, segun Banko Sentral.

Banko Sentral ta spera ku lo introdusí e modelo di atministrashon nobo dentro di algun dia. E ora ei ta toka turno na ACU pa ehekutá e statuto- i reglamentunan nobo.