WILLEMSTAD – Riba petishon di Banko Sentral di Kòrsou i Sint Maarten wes a hala e areglo di emergensia aden i Koperashon General di Spar i Krédito ACU ta disponé atrobe di un pèrmit bankario.

Esaki a sosodé despues ku ACU porfin riba 23 di yüli 2022 a komprobá su statuto- i reglamentunan nobo. Ku esaki e modelo atministrativo  ku Banko Sentral ta eksigí a bira un echo.

Den e statuto- i reglamentunan nobo a deskribí klaramente e tarea- i kompetensianan di e direktiva i e konseho di supervishon. Esei no tabata e kaso promé. E konfushon tabata un fuente di desakuerdo dentro di ACU i tabata motibu pa Banko Sentral pa pone e instituto bou di kuratela den 2020.

Pa a logra ku e direktiva lo a komprobá e statutonan nobo ku Reunion General di miembronan a aprobá, a hala e pèrmit bankario aden riba 19 di yüli 2022.

ACU mes ta responsabel awor pa ehekutá e modelo atministrativo nobo  i atraé miembronan nobo pa e Konseho di Supervishon i miembronan di direktiva nobo.