KRALENDIJK- Bonaire Brandstof Terminals, for di awor lo ta konosí komo Bonaire Bon Transition (BBT), pa suprayá e echo ku e kompania a amplia su enfoke pa inkluí un rango mas amplio di generashon di energía na e isla, reflehando e desaroyo den generashon di energía. 

Inisialmente establisí na 2021 pa garantisá disponibilidat di kombustibel na Boneiur, BBT a ampliá su ámbito pa inkluí invershonnan den proyektonan di energía renovabel manera panelnan solar i turbinanan di bientu. 

Segun BBT, e renobashon ta suprayá e kompromiso di BBT pa e kambio gradual pa métodonan di generashon di energía mas sigur, sostenibel, i variá. 

Terminal

Na mes momentu BBT ta enfatisá ku apesar di desaroyo pa loke ta trata energía sostenibel, ta keda nesesario pa yega na un terminal nobo di fyul pa mantené seguridat i asegurá sufisiente energía pa servisionan esensial i transporte na Boneiru.