KRALENDIJK- Bonaire Cruise Tourism Association (BCTA) a manda un karta pa diputadl Hennyson Thielman den kual a hasi e mandatario vários pregunta, tokante plannan pa ku e turismo di krusero. 

E preguntanan di BCTA ta bini despues di vários kos ku Thielman lo a ekspresá den medionan di prensa i tambe na konferensia di prensa, pa loke ta tratan e sektor di turismo krusero na Boneiru.

“Mirando ku  personanan y kompanianan den sektor di turismo krusero lo por benefisia di e transparensha i klarifikashon pa asina por tuma desishonan strategiko”, asina BCTA ta skibi.

E rason pakiko BCTA ta manda puntra Thielman ta relatá na rumornan ku Thielman lo ke asta mete den e planeashon di bishita di barkunan krusero, pa garantisá ku lo tin no mas ku 1 barku pa dia ku ta bishitá e isla. 

Aruba i Kòrsou

Tambe BCTA ke sa si e mandatario a sigui riba kombersashonan ku islanan hermana pa wak si sierto barku por desviá pa Aruba òf Kòrsou riba dianan ku nan no por bin Boneiru, ku ta un idea ku a lansa anteriormente i pa evitá un daño muchu grandi na e turismo di krusero na nos isla. 

BCTA pa preokupá pa e echo ku a manda karta pa Thielman ya dies dia pasá, sin ku e diputado a kontestá.