Kralendijk – Den Haag, Durante nan bishita di trabou na Den Haag gezaghèber Edison Rijna i diputado Nina den Heyer tabatin un enkuentro ku sekretario di estado di Salubridat Públiko, Bienestar i Deporte, Paul Blokhuis.

E mandatario, huntu ku un tim spesial di Salubridat Públiko, Bienestar i Deporte, for di meimei di luna di mart aña pasá a hasi hopi esfuerso pa yuda Boneiru (i e otro partinan karibense di Reino) kombatí e pandemia di corona. Por ehèmpel for di Hulanda Oropeo a entregá ekspertisio, forsa laboral, instrumento pa asistensia médiko,  entre otro unidatnan kompleto di Kuido Intensivo i sufisiente bakuna pa bakunashon di henter nos poblashon adulto.

Gezaghèber Rijna i diputado Den Heyer a bai ku un regalo ku nan a laga traha spesialmente pa sekretario di estado Blokhuis, pa gradisié pa su dedikashon i pa enfatisá ku e ta bon biní pa e verano akí bin pasa fakansi ku su famia na Boneiru.  

---

Lesa tambe:

• 
  Sindikalismo na Boneiru parti 47, 25 di novèmber 2024
• 
  Curoil ta hasi su mes kulpabel na komportamentu sin rèspèt, pero gobièrnu ta tolerá esei 
• 
  Gobièrnu di Boneiru ta urgi solushon pa suma di impuesto liber i salario mínimo
• 
  M21 ku krítika duru riba Curoil pa problema ku depósito pa bòter di gas 
• 
  Atrobe atrako armá na Boneiru: E biaha aki riba supermerkado