KRALENDIJK – E Kolehio Ehekutivo di Boneiru a informá ku a logra haña fondo for di Fondo pa Bibiendo di Hulanda, despues di a pidi pa por bini na remarke pa esaki. 

E sèn ku ta bira disponibel ta algu mas ku 3,9 mion di dòler, lo wòrdu usá pa restrukturá kasnan privá ku enfoke riba kalidat di biba i siguridat den e barionan di Rincon, Nord’i Saliña, i Antriol.

E proyekto ta enfoká riba restorashon i adaptashon di kasnan, partikularmente pa gruponan vulnerabel, i tambe mehorá e espasio públiko den e barionan. 

Segun e Entidat Publiko di Boneiru, ku e 2.1 mion di dòler di e Heritage Deal, e fondo ta duna un base sólido pa e mehora neksesario den e tres bario nan.