WILLEMSTAD – Bònt di Polis NAPB ke dia liber riba 28 di aprel. E dia despues di Dia di Rei ta nèt promé ku fin di siman i djaluna tambe ta un dia liber pa motibu di 1 di mei, Dia di Labor. 

Pero konseho di minister a kaba di tuma e desishon pa no skèdjel e dia ei komo dia liber. Un desishon ku ta inhustu segun e bònt di polis i ta afektá e ámtenarnan duru.

E sindikato ta splika ku enbes di rekompensá e ámtenarnan – ku ta traha duru – pa nan dedikashon pa hiba e pais dilanti, gobièrnu ta straf nan pa nan bon trabou.

NAPB ta pidi gobièrnu pa rekonsiderá su desishon i duna e ámtenarnan liber riba djabièrnè.