KRALENDIJK – College Financieel Toezicht BES (Cft-BES) den siman ku a pasa a saka un konseho positivo, pa e kambio di prosupuesto ku kolehio ehekutivo ta proponiendo. 

Awor ku Cft a duna su konseho positivo, kolehio ehekutivo por bai presentá e kambionan proponé na Konseho Insular. Konseho Insular ta e órgano ku tin e derecho di stipulá e prespuesto pa Entidat Públiko Boneiru (EPB). 

Dipudo di Finansas, Clark Abraham djabièrnè atardi den e konferensia di prensa Bon Informá a splika ku Cft si a duna gobièrnu sierto suherensia. “Prinsipalmente a konseha nos pa traha riba un linea multi-anual pa e añana benidero. Esaki ta algu ku nos por haña nos aden kompletamente, pasombra ela kuadra ku nos propio línea di pensamentu”, asina Abraham a bisa. 

Un otro konseho ta pa splika di mihó forma kon lo invertí fondonan spesial ku EPB a risibí na asina yamá ‘bijzondere uitkering’. 

Satisfecho

Hinter Kolehio Ehekutivo ta kontentu ku e konseho positívo ku a risibí di parti di Cft, pasombra e ta un paso importante pa yega na un siguiente paso den implementashon di e presupuesto amendá pa 2024 i no mester teme pa konseho negativo di Cft, ku lo a kompliká hopi kos.