KRALENDIJK- Miembre di Konseho Insular, alabes líder di partido PDB a protestá ku éksito kontra di un aviso di reklutashon pa direktor nobo pa departamento di impuesto (B/CN).

Wèl wèl, great! Vakatura pa direktor nobo di Belastingdienst Caribisch Nederland ta wòrdu publiká solamente na Hulanda. Ta kiko ta e maneho anto? Nos propio suidadanonan nunka no por haña chèns pa okupá sierto posishon anto? Pasombra, sin tuma na konsiderashon eksperensia òf kompetensia, si bo no ta parti di nan grupo, bo no por bin na remarke”, asina Abraham a skibi riba medionan sosial. 

E comentario di parti d Abraham a kondusí rápidamente na un intervenshon di e ministerio di asuntonan interior i Relashon di Reino, ku a komuniká mesora ku e ministerio di Finansas pa splika nan ku e situashon di e aviso no ta optimal. 

Vershon nobo

Mientrastantu a hasi kambio na e aviso pa enfatisá ku hendenan lokal tambe por solisitá. Tambe a disidí ku awor lo bai saka e aviso ku e vakatura den medionan lokal di prensa tambe.