WILLEMSTAD –  Curaçao Medical Center, CMC, tabatin un défisit di 42,5 mion florin na 2020. Riba esei ta bini tambe e défisit di mas ku 52 mion florin pa motibu di mudansa di Sehos pa e hòspital nobo, di manera ku e défisit total pa 2020 a bira 95 mion florin. Esei CMC ta informá ayera den un konferensia di prensa tokante sifranan di aña.

E hòspital ta bisa ku e défisit ta debí entre otro na e kostonan inisial despues di e apertura na novèmber 2019. Eseinan tabata 625 mion florin, mientras a presupuestá 421 mion.

Un oumento di pashènt i un presupuesto pa kuido di gobièrnu, ku a keda méskos, ta hunga un ròl. I e problemanan aki ta bira kada aña mas grandi. 85 porshento di tur pashènt ta sigurá na SVB. Na 2020 nan tabata algu mas ku 36.000, un aña despues e numeradó tabata pará na mas ku 41.000 pashènt i e aña aki e kantidat ta kasi 48.000 kaba.

Di SVB mester drenta 223 mion florin, pero en realidat CMC ta haña 200 mion di e presupuesto di kuido. Fuera di muchu tiki kontribushon di presupuesto di kuido e défisit di CMC ta konsistí di djesun mion di gastu di laboratorium, seis mion kuido na pashèntnan ku no ta sigurá i kuater mion florin na kuido di covid. Tur luna tin un défisit di kasi dos mion florin.