TOCUMEN, PANAMA- E aerolínea di Panama, Copa Airlines, ta bai bula bèk pa St. Maarten i Barbados. Buelonan pa St. Maarten ta inisiá dia promé di yüni, mientras ku esnan pa Barbados ta kuminsá bèk riba djarason, 15 di yüni 2022. 

Tur dos destinashon ta bai wòrdu sirbí dos biaha pa siman. Buelonan pa St. Maarten lo tuma lugá tur djarason i djabièrne, i esnan pa Barbados lo wòrdu ehekutá riba tur djarason i djasabra. 

Hùb

E aeropuerto di Tocumen na Panamá ta un di e hùbnan mas importante den e region di Karibe i sentro-amerika i ta konektá kasi hinter área di karibe ku latino-amerika, sentro-amerika i Merka i Kanada.