WILLEMSTAD – Riba Dia Mundial di Turismo Curaçaose Toerisme Bureau, CTB, a lansa turismo komo materia na skolnan básiko i skolnan pa enseñansa spesial. E materia mester engrandesé e konosementu di e muchanan di e importansha di turismo pa Kòrsou.

E presentashon ofisial lo ta na Coromoto College. Lo introdusí e materia di skol turismo den grupo 5 na skolnan básiko i spesial. Despues di evaluashon ta sigui grupo 6 i 7.

E material ku ta usa den skolnan ta konsistí di un seri di video interaktivo, huntu ku un manual pa dosentenan i un buki di tarea ku tareanan pa e alumnonan.

E promé sinku videonan ta trata e siguiente temanan: Kiko ta turismo i ken ta un turista, laga nos bishitá un hotèl, merkadeo i promoshon, atrakshonnan turístiko i e importansha di un haf.