KRALENDIJK- Daisy Coffie di Frakshon Coffie ta preokupá ku subida di kosto di bida na Boneiru. Coffie ke sa di kolegio ehekutivo, kiko ta bai hasi pa frena e tendensia aki. 

Pa e motibu ei, Coffie a skibi un karta basta largu, mustrando tur e áreanan kaminda e ta mira un subida di preis na kaminda i ke tende di Gobièrnu Insular kiko ta bai hasi. 

Entre otro Coffie a mustra riba preis di awa i koriente ku ta subiendo, pero tambe riba e subida rápido den preis pa transporte di konteiner. 

Banda di esaki Coffie ke sa, entre otro, si e preis ku Telbo ta kobra pa su servisionan ta kuadra ku e nivel di servisio ku ta dunando. Tambe Coffie ke sa kiko fundashon di konsumidó riba e isla ta hasiendo, pa yuda frena e subida di preis riba nos isla.