WILLEMSTAD – Djasabra 24 di dezèmber tin atrobe un selebrashon grandi di pasku riba e tereno di Base di Marina Parera. E último biaha tabata na 2019. Pa motibu di Covid no por a tene selebrashon ni na 2020 ni na 2021.

Públiko ta bon biní for di mitar di ocho, e selebrashon mes ta kuminsá och’or. E sirbishi ta na enkargo di predikadó di marina Jan Peter i kapelan Ray van Schalkwijk. Vocal Group “Popcorn” i Politiekapel ta pèrkurá pa e músika di Pasku.

Na final tin oportunidat di keda kòmbersá mientras por disfrutá di chukulati i pan di Pasku. Por para outo riba tereno di servisio di kùr outo. Durante e selebrashon di Pasku personal di Defensa lo asistí einan komo bewaker. 

Tur esnan ku ke asisití na e selebrashon mester presenta ku un sédula, reibeweis òf pasport.