Deklarashon dòkter Marian Luinstra Passchier

Kralendijk – Bon dia, Mi por partisipá na boso ku e variante Dèlta  di e vírùs di corona a yega Boneiru.

Awor akí nos por laga investigá variantenan di e vírùs den laboratorio na Aruba. Siman pasá nan a investigá 16 muestra.  A resultá awor ku den mayoria di kaso ta trata di e variante dèlta i den algun kaso e variante alfa, esta esun britániko.  Boso ta haña mas informashon despues den e siman akí.

E variante delta di e vírùs di corona ta plama na mesun manera via drùpel, pero ta hopi mas  kontagioso. Mas biaha nos ta mira otro tipo di keho, spesialmente doló di kabes, i ménos biaha nos ta mira keho manera tosamentu i pèrdida di holó i smak. Hendenan ku no a pasa angua òf ku a pasa solamente 1 angua por bira mas gravemente malu debí na e variante dèlta. Nan tin un chèns mas grandi tambe pa resultá den hòspital. E tèstnan ku nos ta usa por indiká e variante dèlta bon.

Ta di gran importansia pa mas hende ainda pasa angua. I pa hende ku a pasa solamente 1 angua, bai pasa e di dos angua tambe. Ku e angua kontra corona bo ta prevení  ku yùist ku e variante dèlta bo ta bira gravemente malu òf ku nan tin ku interná bo den hòspital. Si Si bo tin keho keda kas i yama 0800 800 pa traha un sita pa tèst.

Lesa tambe:

• 
  Vakatura General Manager Beveiligingsbedrijf Bonaire
• 
  Boneiru ta papia ku aerolíneanan tokante posibel ruta nobo 
• 
  Atrako na kas na Belnem
• 
  Gezaghèber Rijna ta boga pa solidaridat den e lucha kontra kambio di klima 
• 
  Demokrat a hasi otro invitashon na UPB pa sinta na mesa