Kralendijk- Den apenas 2 dia di tempu tin en total 13 kaso nobo di Covid na Boneiru. Ayera un total di 7 hende a tèst positivo i awe tin otro 6 mas ku a sali positivo. Ya ku tin 2 hende a rekuperá tambe, e sifra di kaso aktivo a subi bai 17.

Esaki ta 8 mas tantu ku tabata tin un par di dia pasá, ora ku e kantidat di kaso a yega 9.

Di e 34 hende ku a pasa pa tèst ayera 6 a sali positivo, ku ta un porsentahe di casi 18%. Esaki por konsiderá komo haltu, mirando ku na Kòrsou un total di mas ku 600 hende a pasa tèst, kaminda ta solamente 1 hende a resultá positivo. Esaki ta nifiká ku e situashon na Boneiru ta (muchu) mas serio ku esun na Kòrsou.