WILLEMSTAD –  Den futuro Kòrsou mester transformá Sargassum den kombustibel biológiko . Esei sekretario di estado Alexandra van Huffelen ta skirbi den un reakshon riba preguntanan di IPKO, Interparlementair Overleg.

E tereno di refineria Isla ta e sitio kaminda esei lo mester sosodé.  

Te ku awor un kontratista ta kolektá e sargassum ku ta yega tera  i ta ward’é  riba tereno di agrikultornan. Esaki no ta favorabel pa motibu di e karakter di salpeter.

Segun e sekretario di estado ta tumando lugá investigashon di literatura i di tereno den koperashon estrecho ku TNO i Universidat di Wageningen, i ku sosten di ministerio di Salú, Medioambiente i Naturalesa di Kòrsou, pa wak kon por anda mas mihó ku e sargassum ku ta yega nos tera.