WILLEMSTAD – Deskonosínan a destruí seis meter di awa inteligente nobo nobo ku Aqualectra a kaba instalá. Ta trata di e  asina yamá meternan inteligente ku ta parti di un operashon di kambio di e distribidó di awa.

E meternan ku a destruí tabata den Naniestraat na Otrobanda. Habitantenan mes a denunsiá e destrukshon i Aqualectra ta bai wak awor ken ta responsabel pa e destrukshon.

Dos di e seis meternan nan a ranka kibra ku konsekuensia ku a surgi un pèrdida enorme di awa.

Aqualectra ta kambiando tur meter den e barionan di Domi i Otrabanda pa meternan inteligente. E operashon ta dura te novèmber di e aña aki. Na e operashon total di kambio di meternan di awa na Kòrsou tin un invershon mará di 151 mion florin.