Skirbí pa Auke van der Berg

Asina bo ta skirbi un relato ku e intenshon pa presentá un pregunta dilanti di gobièrnu i instanshanan públiko: na momento di buska un sosio ku bo ke bai hasi nogoshi kuné, ta wak e pasado di e posibel sosio?

Komo ehèmpel mi a menshoná e hedun rondó di Sunset Beach Resort. Kasi tres aña pasá EuroParcs a partisipá konstrukshon di un resort nobo.

Hopi lihé a resultá ku e kontratista no a tuma e reglanan di konstrukshon, ku ta konta riba e isla, asina na serio. Den su entusiasmo e no a mira por ehèmpel e reglanan di wega pa loke ta trata e haltura di e konstrukshon.

Tampoko no a entregá e pèrmitnan, pero esei no a stroba EuroParcs pa entretantu kuminsá dobla e manganan di kamisa numa.  A kuminsá ku e konstrukshon. 

EuroParcs a kuminsá tambe ku benta di e apartamentonan. E benta ei tabata kana bon. Na luna di yanüari 2022 e bendedó ta anunsiá ku tin dos apartamento ainda den edifisio 1 i 4 na benta. ‘E ora ei tur kos ta bendé’ e anunsio ta informá.

E kontratiemponan ta akumulando. Mester adaptá plannan original, mester pidi pèrmitnan.

Mientrastantu e kumpradónan tin mag di preukupá. E komunikashon di EuroParcs ta bai poko poko i banda di esei e kontenido ta lamentabel tambe.

Algun siman pasá EuroParcs a retirá di e proyekto i a pasa e (sup)interes den Bonaire Resort pa Peter Starreveld, doño di De Wit Group.

Algun kumpradó di apartamentonan a mèldu nan mes despues ku e artíkulo a aparesé onlain*.

‘Lo tabata bon si a tende e kumpradónan tambe den e storia aki.’

Un sitado di un e-mail di un di e kumpradónan:

‘Dia 6 di mei 2021 nos a firma un akuerdo di kompra pa un apartamento ku Resort Bonaire lo a bai konstruí na Boneiru; Sunset Beach Reort.

Riba 27 du yüli 2021 nos a haña un faktura (10% di e preis di kompra 38.817,36 euro), nos a paga esaki riba 8 di ougùstùs 2021 ku e idea ku nan lo kuminsá rápido, mientrastantu nos lo a risibí términonan nobo i ku lo a entregá e apartamentu fin di 2023.’

Hopi lihé ta bini un e-mail di EuroParcs ku tin algun kontratiempo ku e pèrmitnan pa e plannan di konstrukshon. Pero afortunadamente EuroParcs ta bisa ku kos lo keda kla ‘riba término korto’.

Pero awor e kumpradónan ta skirbi:

‘Awor kasi 2.5 aña despues nos no ta niun stap mas leu, e pèrmitnan no t’ei ainda, EuroParcs ta retirá i Peter Starreveld ta drenta, mi no por imaginami ku e kos aki ta bai resultá bon.’

Komo algu èkstra ta menshoná ‘E apartamentonan ta diferensiá di grandura i p’esei e montantenan di sèn tambe, bo por imaginabo kuantu sèn a bai Resort Bonaire sin ku a hasi nada ainda.’

E insertidumbre ta molostiá e kumpradónan. Spesialmente e komunikashon defisiente. Promé tabata EuroParcs, i e último simannan señor Starreveld. Ta hasi tiki primintimentu ‘-Dentro di un siman bo ta haña un reakshon – ‘i niun reakshon tambe ta un reakshon, pero esei no ta duna konsuelo.

E abogado di e pareha ta manda promé un karta sertifiká, pero no a tuma/akseptá esaki. Despues e abogado aki a haña un promesa telefóniko ku por spera un reakshon dentro di un siman. Siguí pa silensio.

Naturalmente mi a konfrontá señor Starreveld ku e ehèmpel aki den kuadro di skucha tur dos partido.

‘Si, mi ta komprondé ku tin hopi pregunta. E komunikashon mester kuminsá ainda. Pero djasabra último nos a pone e promé stapnan pa loke ta trata Bonaire Resorts. Esei a bai bon. Awor nos ta spera di atendé ku sobrá.

Mi no por drenta den asuntunan individual na e momento aki. Mi mester bai profundisá den esaki. Nos a pasa den hopi kos e último simannan.’

*lesa aki parti 1: https://bonaire.nu/2024/01/09/van-resorts-en-doorontwikkelen/