Skirbí pa  Auke van der Berg

Ayera Europarcs Group a partisipá ku el a traspasá su sup-interes den Bonaire Resorts na Peter Starreveld, doño di De Wit Group.

Komo motibu EuroParcs ta duna ku e ke konsentrá su mes kompletamente riba su ‘aktividatnan den Benelux, Alemania i Austria.’

Bonaire Resorts ta eksplotá aktualmente un risòrt na Boneiru. EuroParcs a invertí den esaki i ku esaki e tabata un sosio silensioso di Bonaire Resorts. EuroParcs ta tambe e empresa ku kier a desaroyá Sunset Beach Resort. Pero  pa motibu di no a tene su mes na e reglamentunan di konstrukshon vigente riba e isla Sunset mester warda ainda riba apertura.

EuroParcs ta satisfecho ku el a haña un sosio adekuá pa su interes den Bonaire Resorts.

Segun Wouter Vos, CEO di EuroParcs Group, Starreveld ‘ta un bon sosio nobo pa Bonaire Resorts. Nos konosé Peter komo un suministradó di ‘chalet’ i sosio di nogoshi konfiabel’, e CEO ta bisa den e komunikado di prensa.

Starreveld tambe ta kontentu ku e traspaso.

‘Mi ta orguyoso i ta ansioso pa e reto nobo aki riba e bunita isla aki’, Starreveld ta bisa.

E kalifikashon aki no a kai asina asina for di shelu.

‘Nos tin kasi djes aña hopi enbolbí ku Boneiru’, e ta konta.

‘Resientemente nos kompania di konstrukshon na Boneiru ta traha huntu ku instanshanan lokal, manera Fundashon Cas Boneriano (FCB) i ministerio di BZK na  e desaroyo ekonómiko di e isla. E chèns aki pa hunga un papel aktivo den e desaroyo i eksplotashon di Bonaire Resorts, ta pas bon den esaki.’

Ta bunita ku Wouter Vos konosé señor Starreveld komo konfiabel. Pa kasualidat un miembro di mi famia a atendémi na 2015 riba e empresario aki despues ku e tabatin un eksperensia desagradabel ku un di e kompanianan di konstrukshon di De Wit Group.

No a tarda muchu ku e fail Krommenie/Star a yena ku bankrut di kompanianan manera Bouwbedrijf de Wit, Wison Metaal, Wi & Wi Holding, Kof Beheer, Z&S Bouw, Z&S Wonen, Star Villa Rekrabouw i por ehèmpel Starid.

Ku esaki bo por dedusí ku señor Starreveld ta un empresario pashoná i entusiasma. Unu ku no ta entregá na momento ku kontratiempo krusa su kaminda.

Un otro konklushon tambe ta posibel. 

Pero esei no ta asina relevante. 

Loke ta konta ta e pregunta si un ministerio, den e kaso aki BZK, pero tambe por ehèmpel e ministerio di señor H. de Jonge, i otro instanshanan públiko ta na altura ku ken nan ta bai laman.

Pasobra maske ta para skirbí ku ignorantenan ta bienaventurá, e aktitut ei tin algun desbentaha.