KRALENDIJK- Djabièrnè 19 di aprel, tabata fecha pa entrega ‘R’ na Rincon. IKC Kristu Bon Wardador (KBW), tabata e promé ku a entrega nan ‘R’ na Rincon. 

Diferente instansia, mas o ménos 50 a risibí un ‘R’, anto nan a diseñá esaki i entrega na e organisashon di dia di Rincon. Ta trata di Skolnan, kompania i mas. Ta bai pone e ‘R’na kada palu di lus, den e kayanan ku tin selebrashon dia 30 di aprel.

Di parti di KBW a splika : “ E letter “R” ta konsistí di dos banda ku ta simbolisá e paña folklóriko di e mucha muhé i tambe mucha hòmber. Na e parti dilanti, por mira un kosecha di e plantashi, fruta i berdura di nos skol.”.

Despues ku IKC Kristu Bon Wardador a entrega nan ‘R’, diferente otro a presentá ku nan ‘R’ pa entregá.