KRALENDIJK – Kuater miembro di Konseho Insular a manda un karta pa gezaghebber John Soliano, den kua nan ta ekspresá nan preokupashon tokante e krokodil ku a wòrdu mirá den área di Lac/Sorobon. 

E konsehalnan lo ke mas klaridat i alabes mas akshon konkreto pa dil ku e situashon. Nan ta entre otro prekupá pa e kontradishonnan den e grado di peliger ku e animal lo trese kun’é. 

Mientras ku algun eksperto  ta klasifiká e krokodil komo un sorto no-peligroso, tin otronan ku a duna advertensianan serio tokante e posibel menasa pa hende,” segun e konsehalnan. 

Pa medio di nan preguntanan, e miembronan di konseho insular ke sa si di kuantu krokodil ta papi, i si esaki ta unu òf mas. Tambe nan ke sa kon e krokodil ta reprodusí i ki riesgo esaki lo trese pa nos habitantenan. Banda di esaki, tin preguntanan tokante e polítika ku ta pèrmití habitantenan i turista pa bai den awanan di Sorobon, a pesar di e presensia di e animal.

Finalmente, e konsehalnan ta pidi  klarifikashon tokante e ekspertonan ku ta unsando te aina leu pa atendé ku a situashon. 

Firmante

Segun e miembronan di konseho insular ku a firma e karta pa gezaghèber mester bai tuma akshon rápido i konkreto pa restorá pas, seguridat na e isla i pa gana bèk konfiansa di e siudadonan, pa loke ta trata e situashon aki. 

E karta ta firmá pa Benito Dirks (UPB), Junny Wout (MPB), Rolanda Makaai (PDB), Cyrill Vrolijk (independiente).