KRALENDIJK – Diputado Jolinda Craane,responsabel pa entro otro Ekonomia i Turismu djárason ku a pasa a haña un introdukshon, sera konosí ku e funshonamentu di e sistema logístiko na momentu ku tin krusero mara na waf. 

Un persona ku ta atendé ku entre otro transportamentu di e turista krusero, a kana ku diputado na diferente sitio, riba tera na altura di waf parti sùit, kaminda e barku di e liña di Carnival, tabata mará riba e dia. 

E enkuentro na e sitio, a duna Craane un bista kon henter e struktura ta hinka den otro, momentu un turista yega ku barku, kon e ta pasa pa yega na un bus òf taksi, kon e por pasa pa kumpra un karchi, pa hasi un paseo na Boneiru, dependé su eskoho. 

Satisfecho

Craane a bisa ku ela keda satisfecho ku e informashon i paseo ku el a haña. “Awor mi tin un bon vista  kon e sistema ta funshoná ora nos tin un barku krusero den haf”, asina Craane a e diputado a bisa.