KRALENDIJK- Diputado Jolinda Craane, responsabel pa Renobashon Administrativo, Maneho di Negoshi i Ekonomía, ta bisa ku ta hasiendo esfuerso pa mantené berdura i fruta pagabel na Boneiru. 

Segun e diputado ta studiando posibilidat pa pone produktonan importá for di Venezuela disponibel pa e pueblo kontra preisnan mas abou.

“Ounke benta partiular direkto di bark’i fruta for di Venezuela no ta posibel, mi a puntra al gezaghèber i Sekretario di e isla pa buska un solushon pa benta partiular direkto, mientras ta salbaguardiá na mes momentu e seguridat ekonómiko di Boneiru,” asina Craane a bisa.

Segun Craane, kolegio ehekutivo ta trahando aktivamente riba un regulashon final, unda e interes di tur partido involví ta ser konsiderá kuidadosamente.