KRALENDIJK – Diamars anochi, Nina den Heyer tambe a huramentá komo diputado den e Kolegio Ehektuvio nobo. Kontrali na su mandato anterior komo diputado, Den Heyer awor a asumí su kargo komo diputado profeshonal (vak gedeputeerde). Esaki ta nifiká ku e no ta representa un partido spesífiko den konseho di gobierno.

Den Heyer a ekspresá su alegría pa sigui ku su bieu trabou anterior. “Mi sa ku tabatin hende ku a pensa ku mi a laga nan, pero esaki no ta asina. Awor mi por bisa ku mi a bolbe pa terminá e trabou.”

Algun miembro di konseho insular a deseá e diputado nobo tur lo mihó den su funshon nobo. Gobernador Reynold (Nolly) Oleana a duna e palabra di bon biní mas amplio. Segun e gezaghèber, e trabou di un diputado no ta fásil. “Tin diferente asuntu difísil ku mester wòrdu atendé den e tempu benidero,” Oleana a bisa. El a menshoné, entre otro, e kambionan di clima ku por ta un peliger pa nos isla, pero tambe e abilidat di e isla pa produsí un gran parti di su nesesidat di kuminda. 

Kolegio

Awor Kolegio Ehekutivo ta konsistí di Presidente Nolly Oleana i diputadonan Clark Abraham, Anjelica Cecilia, i Nina Francees-Den Heyer.