Diputado Nina Den Heyer ta sinti su mes indigná i desilusioná tokante e destrukshon ku a tuma lugá na un labaman den e baño públiko di Parke Patun Saragoza. 

Den Heyer a ekspresá su sentimentunan durante e konferensia di prensa semanal diabièrnè atardi. Segun Den Heyer a bisa, esaki no ta e promé biaha ku un destrukshon asina ta tuma lugá. “Mi ta haña esaki hopi tristu, pasobra no ta solamente propiedat di Entidat Públiko, pero di nos tur. Ora ku kosnan manera esaki ta wòrdu dañá, nos niun no por disfrutá di e fasilidatnan ei.” 

Gastu pornada

Den Heyer a bisa ku e ta sinti ku e akto aki ta trese kuné ta un malgastamentu di plaka. “Si nos mester gasta plaka pa drecha kos ku a wòrdu distruí intenshonalmente i ten ku drecha esaki, outomátikamente nos por usa e sèn pa hasi otro kos di dje, ku tambe ta importante pa poblashon.