KRALENDIJK- Djaweps mèrdia a sosodé un diskushon formal ku un grupo di persona ku ta atendé ku turista di barku krusero. 

Tin un video ta sirkulá riba facebook, i por nota ku e diskushon tabata mei mei di turistanan kanando i kumpra kos den parke Wilhelmina. Diputado Hennyson Thielman a reakshoná riba loke a sosodé. “Mi ta lamentá loke a sosodé den Parke Wilhelmina djaweps mèrdia. Tur hende por tin nan opinion i ta bon pa respetá esaki. Nos ta Bonerianonan desente i mantené esaki. Hopi emoshon di ámbos banda. Esei no ta bunita pa e turistanan ku tabata presente, ku a mira, skucha loke a sosodé”

Sinta huntu

Thielman a sigui splika ku mientrastantu ela tuma tuma kontakto ku ámbos banda pa nos por sinta huntu i papia yega na un balansa. Según e diputado a bisa, ta importante pa komprondé otro i bèrdat nos tur ta deseá lo mehor pa Boneiru, sinembargo ku diskushon, esei no ta bira un realidat. 

“Un suidadano a bin ku su ideanan i esei a kousa un diskushon den Parke Wilhelmina inesesariamente, “diputado Hennyson Thielman a bisa.