KRALENDIJK – Direktiva di Supervishon i Mantenshon (DTH) na Boneiru lo introdusí un método nobo pa kòntròl i inspekshon ku lo kuminsá na 18 di novèmber. 

E metodo ku ta wòrdu deskribí komo struktural i preventivo segun Entidat Públiko lo duna klaridat na habitante i negoshi pa loke kiko ta e reglanan na vigor, i lo stimulá kumplimentu ku esakinan na tempu,  evitando asina infrakshon i sanshon inesesario.

E promé inspekshonnan lo tuma lugá na Kaya Industria, kaminda kontroladó ta wak si tin e pèrmitnan korekto i si ta kumpli ku reglanan di siguridat. Esnan ku tin duda tokante permit of dokumento nesesario, por tuma kontakto ku DTH via +599 7155330.

Sigur i limpi

Ku e método nobo aki, DTH ta bisa di traha pa logra un Boneiru mas sigur i mas limpi, ku partisipashon aktivo di komunidat na kumplimentu di reglanan.