WILLEMSTAD – Gobernadó ta menshoná den su diskurso di aña nobo lasonan dentro di reino krusial pa Kòrsou. Señora Lucille George-Wout ta referí aki na e sosten di Hulanda durante e pandemia, e sosten di Hulanda riba tereno di enseñansa i ekonomia i mas. 

Gobernadó ta mustra riba propio responsabilidat di e Kòrsou outónomo, ku mester bai pareu ku e responsabilidat ku e ta haña ku e sosten. No solamente e kompas moral ta dominá, pero tambe e Statüt, kòntròl finansiero i e merkado.

Segun e gobernadó e despensa di Hulanda den pitu di 2022 ta nifiká ku e pais madre ke un diálogo i ke mustra su kompromiso pa sigui desaroyá e pais- i islanan Karibense den reino.