Kralendijk/Oranjestad- Javier Rodriguez, propietario di Optica Class Boneiru ta bai habri un optika na e isla di St. Eustatius. Despues di un perido inisial kaminda e ta presente na e isla, Rodriguez lo tei un biaha den kada dos siman na e isla pa konsulta.

Rodriguez tin años di eksperensia serka entre otro okulista De Palm i anterior okulista Ferwerda na Kòrsou, prome ku ela habri su optika na Boneiru 8 aña pasá.

Optica Class Sint Eustatius ta situá na Theodore A.M. Pandt Road #12 na Oranjestad (pegá ku aeropuerto). Provishonalmente e óptika ta habri mitar dia. Nan ta inisiá ku un kolekshon di 360 diferente montura. Ta ekspandé e kolekshon mensualmente segun konosementu di gusto spesífiko i deseo di e poblashon di Sint Eustatius.

Aktualmente residente di Statia tin ku biaha bai sea St. Maarten òf Saba, ora nan tin mester di un brel nobo. Un situashon ku sigur no ta kumbiní e residentenan, ku tabata keha hopi tokante falta di un óptika na St. Eustatius mes.