WILLEMSTAD – Minister di Hustisia Shalten Hato a mustra sekretario-general interino Desi Lai-Promes i director finansiero Sharlon Cornelia porta; por lo pronto nan no ta pèrmití pa drenta edifisio di ministerio.

E medida ta relashoná ku firmamentu di un akuerdo ku wardakosta, ku e pèrmit pa kumpra material ouksiliar èkstra e próksimo shete aña.

Segun e ministerio no ta trata aki di un medida disiplinario, pero di un medida ku ta konta tanten e dos ámtenarnan ta bou di investigashon.