KRALENDIJK – Entidat Públiko Boneiru (OLB) a instalá un grupo di trabou ku lo enfoká riba biendestar di bestia na e isla. 

E instalashon di e di e grupo di trabou segun OLB a bisa, ta un kontinuashon di e anterior Grupo di trabou pa biendestar di kacho. E grupo di trabou lo dediká su esfuersonan na e problemátika aktual, manera kacho sin doño riba e isla, pero tambe lo traha pa mehorá e biendestar di bestia na Boneiru den sentido mas amplio. 

Además di traha pa mehorá e kondishon di bida di bestia e grupo di trabou tin tambe komo meta pa alsa konosementu pa loke ta trata kuido di animal. Pa medio di programa edukativo i inisiativanan di konsientisashon lo traha pa asigurá ku doñonan di bestia i amante di betia  tin e informashon i habilidatnan nesesario pa kuida nan masha bon. 

Kampaña di informashon 

Den e próksimo kuartal e grupo di trabou lo inisiá un kampanña di informashon ku ta enfoká riba krea konsientisashon bou di ámbos doño i amante di bestia riba na Boneiru.