KRALENDIJK – Na 2023, CBS a hasi un investigashon tokante e nivel di prèis pa konsumidónan na e tres islanan di Hulanda Karibense, Boneiru, Sint Eustatius, i Saba.

For di e investigashon ta resultá ku prèisnan di konsumidó na Saba ta 18 porshentu mas haltu ku na Boneiru. Esaki ta hasi Saba, manera a sali nan kla tambe den un estudio anterior na 2015, e isla mas karu di e 3 islanan BES.

Na Sint Eustatius, prèisnan pa konsumidó ta 11 porsènt mas haltu ku na Boneiru.

Eksèpshon

E uniko eksèpshon ta den e kategoria di ‘bibida stèrki,’ ku ta konsiderablemente mas abou tantu na St. Eustatius komo na Saba, kompará ku na Boneiru. Esaki ta pasombra ku tradishonalmente no ta kobra aksèins di importashon riba bibi fuerte den e islanan di Bovenwind. Bibida stèrki ta 31% mas barata na St. Eustatius kompará ku na Boneiru, kaminda ku na Saba e ta kosta 11% ménos kompará ku na Boneiru.