WILLEMSTAD – E Kampion Europeo di korementu di baiskel, Fabio Jakobsen, a gana e aña aki e klásiko di korementu di baiskel di montaña. Un kantidat grandi di koredó tabata pará ayera na komienso di e kareda riba e serunan di Banda’bou.

Apesar di e yobida fuerte di último simannan  e ruta tabata den bon estado i e kareda por a sigui segun plan. E inisio tabata riba e pir banda di restorant Karakter.

Den e promé bueltanan e kampion Kurasoleño Stijn Hendrikx tabata hopi serka di Jakobsen, pero Jakobsen a sa di pasa e final tòg ku un bentaha grandi den e kategoria ‘Elite’. Hendrikx a kaba na di dos lugá i Danny van Ommen na di tres lugá.

Promé minister Pisas tambe a partisipá. E organisadó Ewold de Maar a mir’é ta kore baiskel mainta i a invit’é pa partisipá mèrdia na e kompetensia.

E públiko tabata apoy’é entusiasmá na bos haltu i el a finalisá komo number 11 den su kategoria. Pisas a konta ku durante e kareda el a mira Kòrsou di su banda mas bunita.