KRALENDIJK- Awe mainta BusinesSpark a informá lansamentu di nan app nobo, ‘FASIL- app’. Diputado Hennyson Thielman di ekonomia i turismo tabata e promé persona ku a download e app. 

David Martinus, fundadó di e app, a splika tokante e app. “Ban hasi bida fásil. Nos ke trese kos nobo ku na Boneiru, no a kustumbrá kuné. E idea pa e app a bira un realidat, ta di manera ku tur hende tin akseso fásil. E app tin hopi informashon, loke ta hasié hopi mas fásil pa e turista. Nos ta fokes pa esaki i ta sigui ku inovashon. E plan ta pa trese kos nobo, pasobra e mundu di teknologia ta den desaroyo.”

Angelo Alberto ku lo fungi komo salesmanager pa e app a splika kon e app ta i kon e ta funshoná. “Por haña restorant, gym, supermarket, pòmp di gasolin i mas. Esaki ta evitá ku e turista tin ku bai Google, loke ta tuma tempu pa haña loke bo ta deseá. Por bai riba Goolge map i por topa ku tur e informashon. Tambe por duna bo eksperensia i bo por kompartí ku otro.

Ta trahando pa bin ku mas desaroyo den tempu kòrtiku. Forma pa kumpra karchi di fiesta asina tin mas kos den desaroyo.” 

Kontentu

Diputado Thielman a bisa ku e ta kontentu ku e iniciativa di David ku Angelo. “Nan a hasi netamentu loke ta e idea tras BusinessPark. Eta bai duna resultado i tin mas kos na kaminda. Tur kos ta birando digital i mester sigui desaroyá huntu kuné. Ta importante pa hende kustumbrá, pasobra den e direkshon aki nos ta bayendo”, asina Thielman a bisa.