WILLEMSTAD – Fondo di penshun di Kòrsou i Fundashon Fondo di Monumento Kòrsou ta bai traha huntu. A konfirmá esei den un akuerdo di koperashon na final di 2022.

Ta trata aki di un dunamentu di servisio nobo kaminda Fundashon Fondo di Monumento no ta aktua komo dunadó di supsidio òf ta enkargá ku finansiamentu di restourashon.

Na su lugá Fondo di Monumento ta duna konseho arkitektóniko i tékniko durante restourashon di nan monumento. E finansiamentu ta bini di e fondo di penshun.

Aktualmente e partidonan ta traha huntu na restourashon di e edifio di NAAM na Johan van Walbeeckplein den Pietermaai, e parti históriko di siudat. E monumento di 1943, ku tambe ta konosí komo ‘Het Cultureel Centrum’ òf ‘De Oude Leeszaal’ ta karakterístiko pa su arkitektura den e estilo di Movimientu Moderno (art deco).

Awendia konosé e edifisio tambe komo alohamentu di Fundashon NAAM ku ta hür e parti pariba di e edifisio di fondo di penshun. Despues  di e trabounan di restourashon aktual lo hür e parti pabou  di e edifisio atrobe.