Kralendijk- For di djamars e sifranan di dia di Boneiru, pa loke ta trata Covid-19 na Boneiru ta mustra diferente. Esaki tin di haber ku e echo ku hendenan ku ta yega for di Hulanda awor mester bai pasa un tèst di Corona despues di e di 5 dia.

E echo ku turista ku ta yega for di Hulanda mester bai tèst na yegada i despues di e di 5 dia, tin di haber ku e echo ku awor aki ta konsiderá Boneiru komo un pais di riesgo hopi haltu.

Dor di esaki, tin muchu mas hende ku ta tèst riba un dia. Pa djamars tin 4 kaso nobo di Covid-19 na Bonaire. Dos ku lokal i dos turista. Ya ku na otro banda 3 hende a kura, e total di kasonan positivo na Boneiru a keda na 15.