KRALENDIJK – Boneiru tin un fundashon nobo ku a wòrdu lantá i ku awor ta preparando pa kuminsa opera. Ta trata aki di Fundashon Ambulans Deseo Boneiru (Stichting Ambulance Wens Bonaire) ku ke bai kumpli ta ku (último) deseo di personan ku ta dependé di transportashan drumí na kama. 

E proyekto a ser realisá dor di Mimi Dongen, ku ta pa algun aña kaba kordinador di Hospice Kas Flamboyan i e empeño di Rosalie de Kreij-Tordoir, boluntario na hospice, i Ralph de Kreij, konhuntamente a lansa e fundashon.

“Pa medio di mi traboù na hospice mi ta mira e nesesidat pa ofresé personanan un eksperensha inolvidabel”, Mimi ta ekspresá.

E fundashon tin un ambulans speshal konstruí, ku di un forma úniko por kontribuí na un eksperensha di un pashènt. E ambulans ku tin un brankar komfortabel i bentananan speshal, ta un donashon di Stichting Ambulance Wens Nederland.

“Nan a afresé nos e ambulans pa un prèis simbóliko” Ralph de Kreij ta konta. “Banda di esei Nirint Shipping ta yuda gratuitamente pa e ambulans yega ku barku Boneiru. Duana di Boneiru to duna su aporte ku e papelnan di impuesto. Ta asina bunita kon hopi persona ta sostené e fundashon kaba na su inisio.”

Eksperensha i Inspirashon

Rosalie ku ta yuda dos aña komo boluntarion na Hospice, tabata na Ulanda na désèmber 2023 kaminda e por a eksperenshá pa un dia kompleto den ambulans na Stichting Ambulance Wens Nederland. “Tabata un inspirashon pa mira kon e tarea ta I pa siña kon nos na Boneiru to por implementá algu igual. Tabata un dia ku un famia por a disfrutá henter un dia”, Rosalie ta konta.

Tur deseo lo kumpli gratis; e gastunan pa tur persona den ambulans e Fundashan Ambulans Deseo lo karga. Pa e servisio aki por ta posibel gratuitamente, Fundashon Ambulans Deseo Boneiru ta dependé di donashon i kolaborashan ku empresanan lokal. Nos ta spera ku komunidat lo sigui sostené nos pa por ofresé mas tantu hende e eksperensha balioso aki.

Festivo

Evento di kick off Ofishal e fundashon lo kuminsá ku un momentu festivo, na momentu ku e ambulans yega Bonaire meimei di òktóber. Mas infomashon lo por anunsiá via e medianan soshal Facebook & Instagram. E próksimo simanan e fundashon nobo lo ta en buska di boluntarionan manera shòfúr i enfermero/a. Intenshon ta pa kuminsá ku masomenos 5 enfermero/a.